Hüquq -mühafizə orqanları Quba rayonunun Zizik kəndi bələdiyyə sədrinin keçmiş müavini Mahir Bayramovun dələduzluq etməsi ilə bağlı vətəndaşın rayon prokurorluğuna müraciəti əsasında araşdırma aparıb.
Araşdırma zamanı Quba rayon prokurorluğu Mahir Bayramovun vəzifə səlahiyyətlərindən istifadə edərək vətəndaşa 10 hektar torpaq sahəsinin kirayəyə götürülməsinə köməklik göstərilməsi barədə yalan vədlər verdiyini və ondan 21 min manat aldığını müəyyən edib.
Rayon Prokurorluğu tərəfindən Azərbaycan Cinayət Məcəlləsinin 178.2.2, 178.2.3, 178.2.4-cü (vəzifə səlahiyyətlərindən istifadə edərək şəxs tərəfindən dəfələrlə külli miqdarda dələduzluq etmə) və 32.4, 312.1-ci (rüşvət alma) maddələri ilə cinayət işi açılıb. . Bayramov istintaqa cəlb edilib.//Haqqın.az
