Rusiyanın Rostov vilayətində Su-25 qırıcısının qəzaya uğradığı və pilotun öldüyü bildirilib.
“Qafqazinfo” xəbər verir ki, bu haqda Rusiya Silahlı Qüvvələrinin Cənub Hərbi Dairəsinin mətbuat mərkəzi açıqlama yayıb.
Su-25-in planlı təlim uçuşu edərkən qəzaya uğradığı vurğulanıb.
“Təyyarədə döyüş sursatı olmayıb və boş bir əraziyə düşüb. Heç bir yerdə dağıntı yoxdur”, – deyə açıqlamada qeyd olunub.
Təyyarənin texniki nasazlıqla qəzaya uğradığı, Rusiya Hava-Kosmik Qüvvələrinin komissiyasının qəza yerində araşdırma apardığı bildirilib.
Qeyd edək ki, ötən həftə də Rusiyanın Ukrayna ilə sərhəd bölgəsində təlim uçuşu zamanı Rusiyanın Su-25 qırıcısı qəzaya uğrayıb.