DİN kafe və “mall”larla bağlı məsələyə aydınlıq gətirdi

Azərbaycanda karantin rejiminin yumşaldılması qaydalarının bu gündən deyil, sabahdan tətbiq ediləcəyi haqda məlumat yayılıb.

“Rubin.az” xəbər verir ki, polis əməkdaşlarının bu gün ölkə ərazisində obyektlərə baş çəkərək, qaydaların sabahdan qüvvədə olacağı haqda xəbərdarlıq etdiyi bildirilir.

Məlumatı dəqiqləşdirmək üçün Daxili İşlər Nazirliyi ilə əlaqə saxladıq. Mətbuat xidmətinin rəisi, polis polkovniki Ehsan Zahidov “Qafqazinfo”ya bildirdi ki, Operativ Qərargahın elan etdiyi qaydalar bu gündən qüvvəyə minir: “Artıq kafe və restoranlar bu gün saat 22:00-dək fəaliyyət göstərə bilərlər”.

Maraqlıdır ki, “Mall”lara da bu gündən icazə verilsə də, bəziləri sabahdan fəaliyyətə başlayacaqlarını açıqlayıblar.

Operativ Qərargahın açıqladığı qərarda kafe-restoranların saat 22-dək işləməsi, ticarət mərkəzlərinin 31 may saat 00:00-dan etibarən açılacağı qeyd olunmuşdu.